වැටීම:

• සර්පයාගේ උපාය මාර්ගය.
  • සර්පයා ඉතාමත් ඥානවන්ත සතෙකු ලෙස හැඳින්වේ (කතා කළ නොහැකි වුවද). යෙසායා “ඉගිලෙන ගිනි සර්පයෙක්” ගැන කථා කරයි, සහ එය ලෙවියාතන් සහ මකරා සමඟ හඳුනා ගනී (යෙසායා 14:29; 27:1). එළිදරව් පොත මෙම මකරා, “පුරාණ සර්පයා”, සාතන් ලෙස හඳුනා ගනී (එළිදරව් 20:2).
  • සාතන් ඒව ඉදිරියේ වෙස් මාරුකරගෙන පෙනී සිටියේ, දේව වචනයේ තේරුම පැහැදිලි කරන ලෙස ඇයගෙන් ඉල්ලා සිටිමිනි. එලෙසම “සර්පයාගේ” “සැක” විසඳීමට හැකිවීම ගැන ඒව සතුටු වුවාය (උත්පත්ති 3:2-3).
  • ඒවගේ මනසට දෙවියන්වහන්සේ පිළිබඳ සැකයන් ගෙන ඒමට සාතන්ට මෙය අවස්ථාව ලබා දුන්නේය (උත්පත්ති 3:4-5).
• ඒවගේ ප්‍රතිචාරය.
  • සාතන් ඒවට යෝජනා කළේ තමාට විය නොහැකි දේ ලබාගැනීමටය: අමරණීයත්වය සහ දෙවියන්වහන්සේ මෙන් වීම (1 තිමෝති 6:15-16; යෙසායා 14:14).
  • ඒවට එය කළ හැකි හා යහපත් බව පෙනෙන්නට තිබුණි. ඇය අමරණීයත්වය විශ්වාස කළ අතර දෙවියන්වහන්සේ මෙන් හැසිරීමට පටන් ගත්තේය.
• දෙවියන්වහන්සේගේ ප්‍රතිචාරය.
  • “නුඹ කොහේද” “නුඹ නග්න බව නුඹට කීවේ කවුද?” “නොකන්ට මා ආඥාකළ ගහෙන් කෑවෙහිද?” “නුඹ කළ මේ දෙය මොකක්ද?” (උත්පත්ති 3:9, 11, 13). පිළිතුරු: පාපය සැඟවීමට උත්සාහ කිරීම; තමන් ධර්මිෂ්ඨයි කියා පෙන්වීමට; අන් අයට දොස් පැවරීම… ඒවා ඔබට හුරුපුරුදු යැයි සිතන්නේද?
  • ආදම් සහ ඒව භයානක රැවටිල්ලට පත්වුහ. ඔවුන් ව්‍යාජ බලාපොරොත්තු විශ්වාස කළහ. ඔවුන්ගේ පාපය ඔවුන්ව දෙවියන්වහන්සේගෙන් වෙන් කළේය.
  • දෙවියන්වහන්සේගේ අභිප්‍රාය කුමක්ද? ඔවුන්ව මිදීම. උන්වහන්සේගේ බලාපොරොත්තුව වන්නේ අප අපගේ පාපයන් පිළිගැනීමවේ. එවිට උන්වහන්සේට අපට සමාව පිරිනැමිම සහ නැවත යථා තත්ත්වයට පත් කළ හැකිය.

විපාකය:

ශාපය සහ පොරොන්දුව.

• නපුරේ පැවැත්මට වගකිව යුතු වීම නිසා දෙවියන්වහන්සේ විසින් සර්පයා හරහා සාතන්ට ශාප කරන ලදී (උත්පත්ති 3:14).
• මෙම ශාපය කොටස් තුනකින් අනාවැකියක ස්වරූපයෙන් පොරොන්දුවක් අනුගමනය කරයි:
  • සර්පයා සහ ස්ත්‍රිය: සාතන් සහ දෙවියන්වහන්සේගේ සභාව අතර අඛණ්ඩ සතුරුකමක් පවතිනු ඇත (එළිදරව් 12:17).
  • සර්පයාගේ වංශය සහ ස්ත්‍රියගේ වංශය: ඇදහිලිවන්තයන් සහ නොඇදහිලිවන්තයන් අතර, “දෙවියන්වහන්සේගේ දරුවන්” සහ “මනුෂ්‍යයන්ගේ දරුවන්” අතර සතුරුකම අඛණ්ඩව පවතිනු ඇත (උත්පත්ති 6:2).
  • බීජය සහ සර්පයා: යේසුස්වහන්සේ කුරුසියේ ඇණ ගැසීමෙන් සාතන් “විලුඹ පොඩිකරන්නේය”, නමුත් යේසුස්වහන්සේ අවසානයේ සාතන්ව විනාශ කරන සේක (රෝම 16:20; හෙබ්‍රෙව් 2:14).
• මරණය සහ බලාපොරොත්තුව.
  • දරුවන් බිහි කිරීම සහ ඔවුන් ඇති දැඩි කිරීම සතුටට කරුණක් විය හැකි නමුත් පාපය නිසා එය වේදනාකාරී විය. පොරොන්දු වූ බීජය පැමිණෙන්නේ වෙහෙස මහන්සි වී දුක් විඳීමත් සමගය.
  • විවාහයේ ප්‍රධානියා ලෙස ආදම් ඔහුගේ පාපයේ ප්‍රතිවිපාකවලට වගකිව යුතු විය. ඔහු නිසා භූමියට ශාප කරනු ලැබුවේය (උත්පත්ති 3:17), එමෙන්ම ඔහු පැමිණියාවූ භූමියටම ආපසු යන්නේය. (උත්පත්ති 3:19).
  • නියත වශයෙන්ම මරණයට මුහුණ දුන් ආදම් පොරොන්දු වූ බලාපොරොත්තුවට ඇලී සිටියා. ඔහු තම බිරිඳගේ නම “Isha“ “මනුෂ්‍යයාගෙන් ගන්නාලද” (උත්පත්ති 2:23) සිට, “Eve” “ජීවමාන සියල්ලන්ගේ මවු” (උත්පත්ති 3:20) ලෙස වෙනස් කළේය, එනම් ඔවුන්ගේ මරණයේ ශාපයෙන් නිදහස් කරන බීජයේ මව.
  • උන්වහන්සේගේ මහත් පුජාව කරණකොට අපට සදාකාල ජීවනය ලබා දී ඇති නිසා අපි දෙවියන් වහන්සේට සදහටම ස්තූතිවන්ත වෙමු.