Dos rumannan hòmber:

• Nan nasementu. Genesis 4:1-2.
  • Eva a kòrda Dios Su promesa den Genesis 3:15 ora el a duna lus na su promé yiu. Eva a pensa ku Kain tabata e kumplimentu di e profesia, e simia ku lo libra nan for di piká.
  • Evidentemente, e speransa ei a resaltá e nasementu di Abel [hébel na Hebreo], kende su nòmber ta nifiká “vanidat” (mira Eklesiastes 12:8).
  • Aparentemente, Kain tabata sigui Dios Su òrdunan (Genesis. 2:15). Tur kos tabata parse di ta bai segun e plan…
• Nan ofrenda. Genesis 4:3-5.
  • Mientras ku Kain a pensa di su ofrenda komo un regalo na Dios, Abel a komprendé su sakrifisio komo un rekòrdatorio di Dios Su regalo na djé.
  • Kain tabata kier a wòrdu aseptá pa loke el a hasi pa Dios (salbashon pa medio di obranan). Abel tabata kier a wòrdu aseptá pa loke Dios a hasi p’é (salbashon pa medio di fe).

Kain su piká:

• Dios ta duna konseho. Genesis 4:6-8.
  • Kain a bira rabiá ku Dios i su ruman hòmber pasombra su ofrenda a wòrdu rechasá. Bira rabiá ku Dios lo por tin sentido pasombra El a rechasá su ofrenda. Pero pakiko el a rabia ku su ruman hòmber? 1 Juan 3:12.
  • Dios a respondé na Kain su rabia dor di trat’é kariñoso(tierno). El a dun’é un poko konseho pa prevenié(strob’é) di hasi mas fayonan, enkurashando é pa hasi bon eskohonan.
• Dios ta kastigá. Genesis 4:9-16.
  • Despues ku Kain a mata su ruman hòmber, Dios a puntr’é un pregunta similar na esun ku El a puntra Adam: “Unda Abel bo ruman hòmber ta?” (Genesis 4:9).
  • Sinembargo, Kain no a rekonosé su piká. Asta é no a purba hustifiká esaki. El a djies evitá e pregunta i a reta Dios.
  • Pesei, Dios a laga Kain wòrdu maldishoná for di e tera ku a bebe e sanger di su ruman hòmber (Genesis 4:11). Kain a skohe pa biba leu for di Dios, pesei el a wòrdu kondená na un bida di dualmentu (v. 12).
  • Kain no a repenti, pero é tabata sa ku biba leu for di Dios ta nifiká morto (v. 14). Pero Dios ta kuida pa pekadornan dor di Su miserikòrdia (Genesis 4:15; Mateo 5:45).

Dos linahe:

• E yiunan di Kain. Genesis 4:17-24.
  • E desendientenan di Kain a bira pió generashon tras di generashon. Lamek ta un bon ehèmpel di esaki. E tabata parti di e di shete generashon despues di Adam.
• E yiunan di Dios. Genesis 4:25-26.
  • Eva tabatin fe ku e Libertadó lo bini dor di Sèt su desendiente (Genesis. 4:25). E simia mesianiko lo ta parti di Sèt su linahe.
  • E desendientenan di Sèt (e yiunan di Dios) i esnan di Kain (e yiunan di hende) tabata klaramente diferensiá desde Enos (Genesis 6:1-2).
  • E desendiente di Kain tabata bai mas leu for di Dios, pero esnan di Sèt tabata purba pa bini mas serka djÉ. Enok tambe tabata parti di e di shete generashon desde Adam. Pero su eksperensia ta diferensiá sorprendentemente esun di su primu Lamek.
  • Nos ta yiunan di Dios. Laga nos imitá Enok i kana tur dia kunÉ (Genesis 5:22).