Lès 10

28 di mei-3 di juni

Yakob-Lsrael

  • Jakòb a wòrdu pordoná => Israel:
    • Dios Su pordon. Gn. 32.
      • Esau a primintí pa mata Jakòb (Genesis 27:41). Jakòb tabata kier a drecha kuné, pero Esau tabata bini huntu ku 400 hòmber. Jakòb a hasi orashon i a pega (kologá) na Dios Su promesanan (Genesis 32:9-12).
      • Jakòb no por a hasi nada otro, pesei el a hasi orashon i a pidi pa Dios Su pordon. Su lucha spiritual a bira físiko (Genesis 32:13-24).
      • Finalmente, Jakòb a tene na e “hòmber” pasombra el a realisá ku E tabata Dios Mes (Genesis 32:30). Jakòb a pidi pa Su bendishon (Gen. 32:26). Dios a sigur’é, “bo a vense” (Genesis 32:28).
    • Pordon humano. Gn. 33.
      • Jakòb a manda algun regalunan pa su ruman hòmber. Tambe el a bùig (umiyá) su mes shete bia dilanti di djé (Genesis 33:1-3). E kier a aklará ku é no tabata bai eksigí e kumplimentu di nan tata su bendishon (Genesis 27:29).
      • Esau su reakshon a asombrá(straña) Jakòb. Su ruman hòmber a pordon’é! (Genesis 33:4).
      • Jakòb a bira un hòmber nobo, Israel. El a wòrdu pordoná dor di Dios i dor di su ruman hòmber. E tabata sa ku é no tabata meresé esaki. Esaki ta GRASIA.
  • Asuntunan di famia:
    • Violensia ta brui violensia. Gn. 34.
      • Israel finalmente a biba na pas. El a kumpra su promé pida tereno na Kanaan i traha un altar na Dios (Genesis 33:18-20). Pero pas pronto a desparsé.
      • Sikem a violá Dina, Jakòb su yiu muhé. Sinembargo, é tabata dispuesto pa rektifiká (korigí)
        (Genesis 34:1-4, 8).
      • Simeon i Leví tabata kier pa tur kos bai segun Dios Su boluntat. Sinembargo, nan a traishoná, a mata, i a plùnder (Genesis 34:13-17, 25-29).
      • Evidentemente, Dios no ta aprobá esaki. El a aktua pa trese e famia aki na un relashon nobo kunÉ.
    • Bandonando idolatria. Gn. 35:1-15.
      • Dios a disidí pa renobá Su aliansa ku Jakòb. E bia aki tur su famia lo wòrdu envolví (Genesis 35:3).
      • Jakòb a komprendé ku su famia mester a bini mas serka di Dios. El a pidinan pa kita tur nan ídolonan. E respuesta tabata unánimo (Genesis 35:4).
      • Dios a protehá nan (Genesis 35:5-6). Jakòb a traha un altar komo un rekòrdatorio di su promé enkuentro ku Dios (Genesis 35:7).
      • Kiko Dios Su bendishon na Jakòb-Israel tabata inkluí (Genesis 35:11-12)?
        1. Siendo fruktífero i kargando e simia mesianiko (v. 11).
        2. Poseéndo e Tera Primintí (v. 12).
    • E morto di Raquel. Gn. 35:16-29.
      • Jakòb mester a enfrentá e morto di su sernan stimá. Su mama Rebeka a muri promé ku el a bolbe kas bèk. Débora, Rebeka su partera (yaya), a muri na Bètèl (Genesis 35:8).
      • Raquel a muri riba nan kaminda pa Bètlehèm mientras é tabata duna lus na su último yiu hòmber, Benoni (“ yiu hòmber di mi tristesa”). Jakòb a dun’é e nòmber Benjamin, “ yiu hòmber di e man drechi” (Genesis 35:16-18).
      • Pronto despues di esei, Ruben a desonrá su tata dor di drumi ku Bilha (Genesis 35:22). Israel a keda silensioso den e tempu ei, pero eventualmente el a kita e derecho di nasementu for di Ruben pa e motibu aki (Genesis 49:3-4).
      • Israel i su famia no tabata perfekto. Sinembargo, Dios tabata dispuesto pa kumpli ku Su plan ku nan, no importá kon imperfekto nan tabata.

Resource Credit: fustero.es