Na prinsipio … Dios.

• E dos narashonnan di Kreashon ta introdusi Dios na dos diferente manera:
  • Genesis 1:1-2:3 ta introdusi un Dios poderoso: E por krea simplemente ku Su bos. Su gran poder ta motivá nos pa alab’É i ador’É (Salmo 95:3-6).
  • Genesis 2:4-25 ta introdusi un Dios serka(íntimo): El a prepará un hogar pa nos i a forma nos ku Su propio mannan. E ta perkurá(kuida) pa nos felisidat i ta siña nos kon pa biba.
• Awe nos ta separá for di Dios Su presensia pa motibu di piká. Sinembargo, nos por apresiá ainda Su poder i e serka ku E ta. Nos por gosa di e presensia maraviyoso i bunita di Dios den nos bida.

E trabou di Dios:

• Kreashon Perfekto.
  • E ekspreshon “ bon ” [tov na Hebreo] ta wòrdu huzá pa splika ku Kreashon a funkshoná bon; ku e tabata perfekto i bunita i ku no tabatin nada malu den dje. Naturalmente no tabatin ningun morto. Morto no tabata parti di e proseso di kreashon.
  • Un proseso durante di miles òf miyones di añanan no ta kompatibel ku Kreashon. Palunan ta pari fruta (Genesis. 1:12; 2:9). Paranan ta bula, animalnan ta kana (Genesis. 1:20, 25). Adam a wòrdu krea komo un persona adulto kende por a papia i pensa (Genesis 2:19).
  • Ora ku Kreashon a kaba, “ e kreashon di e shelunan i e tera i TUR KOS den nan a wòrdu kompletá ” (Genesis 2:1 NLT). E tabata djies seis dia literal.
• Tempu perfekto.
  • Lus¹, e laman², e tera³, vegetashon⁴, e streanan⁵, e piska⁶, e paranan⁷, e animalnan⁸, sernan humano⁹. Pero algu importante tabata falta, e di dies elemento ku lo pone e tapa(kapa) riba e proseso: e di shete diaay¹⁰.
  • Un tempu pa sosegá, meditashon, kompañerismo humano, i komunion ku e Kreador. E humanonan perfekto ei tabatin mester di e tempu speshal aki, pesei nos tin mester di dje aun mas despues di miles di añanan di piká (Eksodo 20:8-11).
  • Sabat ta rekòrdá nos di nos origen, i di nos futuro glorioso dor di redenshon
    (Deuteronomio 5:15; Isaias 66:23).
• Humanidat perfekto.
  • imagen di Dios ta envolví:
    • Un naturalesa spiritual ku ta kapasitá nos pa komuniká ku Dios.
    • Un semehansa físiko na nos Kreador.
    • E abilidat pa pensa i pa tuma desishonnan moral.
  • Segun Genesis 2:7, ora ku e rosea(spiritu) a bai den e figura di klei ku Dios a moldiá(kurpa), un ser bibu a wòrdu kreá(alma).
  • E ora ei Dios a traha un di dos stap kreativo (Genesis. 2:21-22), asina kompletando e “ ser humano” perfekto: hòmber i muhé.

E regalonan for di Dios.

• Ora ku Dios a krea e promé hòmber, El e dun’é tres regalo ku tabata impliká tres responsabilidat:
  • E Hòfi di Edén (Genesis 2:8): E tabata e hogar perfecto. E mester a kuida p’é i kultiv’é. Nos mester preservá loke Dios a duna nos.
  • Kuminda (Genesis 2:16): Dios a dun’é e kuminda adekuá pa su kurpa perfekto. El a agregá un restrikshon asina ku é lo por proba su lealtat na Esun Kende a dun’é tur kos (Genesis 2:17).
  • E muhé (Genesis 2:22): E regalo perfekto. Un hende pa stima. Un hende ku kende e lo por kompartí tur kos. Un hende pa “ bira un karni ” kune (Genesis 2:24).