Ena ivakatekivu… Kalou.

• Na rua na itukutuku ni veibuli e vakaraitaka na kalou vei keda ena rua na sala:
  • Vakatekivu 1:1-2:3 e vakaraitaka na Kalou kaukauwa: E rawa ni veibuli walega ena rorogo ni domona. Na Nona kaukauwa levu e vakauqeti keda meda qaravi Koya ka rokovi Koya (Same 95:3-6)
  • Vakatekivu 2: 4-25 e vakaraitaka na Kalou e veiwekani vakaveivolekati. E vakarautaka na nod itikotiko ka buli keda ena ligana. E kauwaitaka na noda bula vinaka ka vakatavulici keda ena ivakarau ni bula raraba.
  • Edaidai eda sa tawase tani mai na serau ni Kalou ena vuku ni valavala ca. Ia eda vakila tiko ga na Nona kaukauwa kei na loloma. Eda rawa ni marautaka tiko na vinaka ni Kalou ena noda bula.

Na cakacaka ni Kalou:

• Veibuli totoka.
  • Na vosa “vinaka” [tov ena Iperiu] e vakayagataki me vakamacalataka ni a vakayacori vaka vinaka saran a Veibuli. Ea sega ni tiki ni Veibuli na mate.
  • Na cakacaka e yaco ena loma ni udolu na yabaki e sega ni sala vata kei na Veibuli. Na vunikau e tubu ka vua (Vak 1:12, 2:9). Era vuka na manumanu vuka, (Vak 1:20,25). O Atama e buli mai me sa uabula rawa tu ka rawa ni vosa ka vakasama. (Vak. 2:19).
• Ni oti na Veibuli, e “sa buli oti na lomalagi kei vuravura, kei na lewena kecega” (Vak 2:1) Ena loma ni 6 ga na siga.

Gauna vinaka.

• Rarama 1, Wasawasa 2 Vanua mamaca 3, Veikau 4, Veikalokalo 5, ika 6, manumanu-vuka 7, manumanu yavaiva 8, tamata 9. E caka na vei ka kece ena ono na siga. Ia e dua na ka bibi e yali tiko, na ikatini ni ka koya ena qai tinia vinaka na vei ka e caka tiko: n aka vitu ni siga 10.
• Na gauna ni vakacecegu, vakatatabu, veitauraki kei na veitalanoa kei na Dauveibuli. Na vakamareqeti ni tamata e gadrevi tale ga vua edua na gauna vakatabaki dua, eda sa qai gadreva sara vaka levu edaidai.
• Na Siga Tabu e vakananumi keda ena noda itekitekivu, kei na noda veigauna lagilagi mai muri ena vuku ni cakacaka ni veivakabulai Vakarua 5:15; Aisea 66:23)

• Kawa tamata vinaka.
  • Na veiuci kei na Kalou e wili kina na:
    • Na itovo vakayalo e rawa ni veitaratara kei na Kalou.
    • Na yago e tautauvata na kena irairai kei na Kalou.
    • Na solisoli ni vakasama kei na vakatulewa.
  • Ena Vakatekivu 2:7, ni sa curu kina yago na icegu ni Kalou, sa yaco nay ago me yalo bula.
  • Ni sa vakayacora na Kalou na karua ni kalawa ni veibuli (Vak. 2: 21-22), ka vakaotia kina na cakacaka ni kena buli edua na kawa tamata uasivi: tagine kei na yalewa.

Na vei solisoli mai vua na Kalou.

• Ni sa bulia oti na matai ni turaga na Kalou, e sa qai solia vua e tolu na isolisoli ka ivakaraitaki ni tolu na itavi bibi:
• Na Were ko Iteni (Vaka. 2:8): Ea dua na koro totoka. Me qarava ka teivaka. Sa dodonu meda maroroya na vei ka e solia vei keda na Kalou.
• Kakana (Vaka. 2:16): E solia na kalou vua na tamata na kakana vinaka e yaga e yagona. E qai kuria yani edua na ivakaro ni vakatatabu me rawa ni kila na yalo dina ni tamata vei Koya e solia vua na vei ka vinaka kece ga.
• Na marama Na isolisoli talei. E dua me lomani. E dua e rawa ni drau veiwasei ena ka kece ga. E dua drau rawa ni drau “lewe dua ga” (Vak. 2:24)