Lesoni 9
Me 21-27
Ko Jekope Na Daulawaki
- Butakoca ko Jekope na veivakalougatataki
- Erau sucu vata ena dua na siga ko Iso kei Jekope, ia nodrau itovo e duidui. Iso e yavavala ka dau vakasasa, ko Jekope e malua ka dauvakatawa sipi (Vktv 25:27).
- Iso e kauwai ga ena ka ni bula nikua, o Jekope e rai yawa. Ko Jekope e gagadre me nona na ulumatua kei na kena veivakalougatataki (oya me kunemai na nona kawa na Gone yalataki).
- E rawata na ulumatua ko Jekope ni vakawaletaka ko tuakana (Vktv 25:29-34).
- Ni via vakalougatataki Iso ko Aisake, e vakaisini tamana ko Jekope ka ciqoma vakai lawaki nona veivakalougatataki (Vktv 27:1-27).
- Vakalougata taki Jekope na Kalou (1).
- Ni oti na nona vakaisini koya ko Jekope, e yalataka ko Iso ni mate oti ko tamadrau, ena vakamatei koya. (Vktv 27:41). E vakauqeti Aisake ko Repeka me vakauti Jekope me lai vaqara na watina vei ira na wekadrau (Vktv 27:42-28:5).
- Na Kalou e vakalougata taki Jekope ena nona ilakolako. E vakatakilai Koya mai vua mai muana i cake ni kabakaba ka yacovi lomalagi (Vktv 28:11-15; 11:4). E a saga ko Jekope me rawata vakaikoya na veivakalougatataki, ia Na Kalou ga e rawa ni solia ena vukuni Nona lolomasavu.
- E dolea ko Jekope na veivakalougatataki ni Kalou ena nona yalataka e rua na ka (dua e vakayalo, dua e vakayago): me cakava na vanua oya me vale ni Kalou, ka me vakasuka nai katini ni ka kece Vua na Kalou. (Vktv 28:22).
- Veretaki ko Jekope.
- E vinakati Raijeli ko Jekope.” (Vktv 29:18) E sega vua na kamunaga me solia vei Lepani mei vosaki, e mani vakatura kina me cakacaka e vitu na yabaki qai vakawati taki luvena.
- Ia, e qai vakaisini vugona ko Lepani ka soli Lia ki vua ka sega ni ko Raijeli. (Vktv 29:20-23).
- Ena mataka e tarava, esa qai kila ko Jekope ni sa veretaki, Esa sotava na lawa vaka Talioni (L/Yani 2:24). Qo esa qai vakila na nona ivalavalaca vatakei na ka e rau vakila ko tamana kei tuakana.
- Vakalougata taki Jekope na Kalou (2).
- E vakalougatataki Jekope na Kalou ena veiyabaki e tarava. E 11 na luvena tagane (Ko Penijamini , nai ka tinikarua, e qai sucu malua)).
- Na yacadra na gone e vakatau ena ka rau vakila tiko ko Lia kei Raijeli. Ena dela ni nodrau duiduiu, e se vakallougatataki rau ga na Kalou. (Vktv 29:31-30:24).
- Jekope e vu ni veikalougatataki.
- Jekope e vu ni kalougata vei Lepani kei na nona vuvale. Ia, e sega ni dua na ka e tu vei Jekope. Qo, e sa qai tekivu cakacaka ena vukuna kei na nona vuvale..
- E tovolea tale ko Lepani me vakaisini vugona, ia e sa sega ni vakatara na Kalou (Vktv 31:7). Na kena veibasai, E vakayagataka na Kalou na tadra me tukuna vei Jekope na lka me cakava me levea kina na lawaki nei Lepani (Vktv 31:9-13).
- E sega ni veiba ko Jekope, se veisaqasaqa se vaqara ga na nona nanuma. E waraka na Kalou. E qai biuta ga na vale nei Lepani ka lako ki Kenani ni sa tukuna vua na Kalou (Vktv 31:3).