Solia Lesu na Ka e Nona na Kalou.

• E tubu na veika e taukena na vutuniyau. E tara na vei lololo lelevu ka sa vakacegu kina. Sa vakadeitaki na nona peniseni. Na cava na ka e cala ena I talanoa oqo? (Lk. 12:13-21)?

• Na veika e vakayacora e sega ni cala. E vaka e dusimaka o Jisu, na ka dina. Oya ni tamata kocokoco. E sega e lomana me wasea vei ira na wekana na veika e solia vua na Kalou (Lk. 12:15).

• Ni se vinaka tu na noda bula vakayago kei na vakasama, sa dodonu me da vakayacora tiko na ka dodonu ki na veika e solia ki ligada na Kalou: kaukauwa, taledi, iyau…

• Na veika kece oqo me vakasukai vua na kena I taukei. Gaunisala cava?

Vakavakarau ena veigauna sa tu mai Liu.

• Na cava e dodonu me da cakava ki na veika eda na biuta tu mai ni da sa mate yani?? 1 Timoci 6:7)

• E se nona tiko ga na Kalou, veitalia ga na kena levu. Na I Vola Tabu e vakauqeti keda me da vakadewa na noda dauniveqaravi ki vei ira na luveda kei na wekada (Vbale. 13:22; 1Tim. 5:8). Ke sega ni dua na keda I sosomi, me da biuta ki na soqosoqo lotu.

• Ena so na matanitu, na I yau sa soli ga vakadodonu ki vei ira na gone. Ke sega ni salavata na lawa ni veisolisoli ni nomu vanua kei na nomu I nakinaki, sa dodonu mo vola e dua na nomu “will” se bubului me rawa kina ni vagolei na nomu I yau ki vua ka dodonu me gole vua.

Marautaka na nomu Kalougata.

• Ko sa rawata beka na veivakalougatataki mai vua na Kalou? Marautaka! Kakua ni vakasabusasabu taka, vakayagataka vaka vuku (VBale 27:23). Solia vua na Kalou na I katini kei na I solisoli (Vrua. 12:11). Vakayacora na gagadre ni nomu vuvale (Pr. 27:27). Kakua ni guilecavi ira era vakaleqai tu (Jemesa 1:27).

• Sa vakatautaki ki vei keda nikua na noda vakarautaka na veika eda sa vakalougatataki kina ka me rawa ni da I dewadewa ni kalougata vei ira na wekada kei na tosoi ni cakacaka ni Kalou

Gauna cava me da soli ka lesu kina?

• Berabera nona Lesu Mai.

  • Ni da sa qase cake tiko mai, sa vaka me da kabita na veika eda taukena. E sega ni veirauti, ni ko sa vutuniyau, ko na vinakata mo vutuniyau cake ga vakalevu. (Dvnau. 5:10). Oqo e dua na baca nei Setani me tosoi keda tani mai vua na Kalou.

  • Na I Vola Tabu e vakauqeti keda me da kakua ni biuta na noda I nuinui ena I yau (1Tim. 6:17), ia me da yalovakaegu ena veika sa tu vei keda (Vbale. 30:8).

  • E so vei keda ena sega ni soli ka rawa vua na Kalou edaidai baleta ni ra lomaleqa de sega ni veiraurau na ka e maroroi tu me baleta na nodra gauna ni sa qase. Eda sa vakuai ira na tamata ena ka e rawa ni ra vakalougatataki kina nikua, ka vakuai keda talega mai na noda ka ni veivakalougatataki.

• Na vinaka ni “caka ga qo.”

  • Na cava na vinaka ni soli ka lesu vua na Kalou ni da se bula tiko?

    1. Ena rawa ni raica na vua ni nona I solisoli na dausoli ka: dua na valenilotu vou, saumi nona vuli e dua na gone ena vulitorocake, sasaga ni kacivaki na kosipeli…

    2. O koya na tamata se tabana ka vukei ena marautaka ni se kaukauwa tu na gagadre

    3. E solia na I vakaraitaki vinaka ni veikauwaitaki kei na loloma vei ira na tamata

    4. Vakalailaitaka na I vakacavacava ni I yau (wealth tax)

    5. Raica ni vakagolei vakadodonu na I solisoli ki vua ka gadreva, ka sega ni yaga kina na mataveilewai ena vukuna e so ka rawa ni ra kudruvaka

    6. Raica ni vakagolei vakadodonu na I solisoli ki vua ka gadreva, ka sega ni yaga kina na mataveilewai ena vukuna e so ka rawa ni ra kudruvaka

    7. E vakaraitaka na veisau ni lomana na dausoli mai na nanumi koya ga ki na veisorovaki

    8. Eda sa binia nai yau mai Lomalagi