LESSON 12

June 11 – 17

JOSEPH, EGYPT KUMPI

SABBATH NITAKLAM:

June 11

Tukalsung Simding: Piancil 41:37–46;1Kumpite 3:12; Piancil 42; Rom.  5:7–11; Piancil 43; Piancil 44; Piancil 45.
Kamngah: “Pharaoh in Joseph kiangah, ‘En in, Egypt gam  khempeuh a uk dingin nang kong koihzo hi’ a ci  hi” (Piancil 41:41).

Joseph, tu in Egypt makaipi hong suakta a, a sanggamte in kua  cih thei peuhmahlo in biata ding uhhi (Pian. 42). A sanggamte Joseph’ mai ah kiniamkhiat mahmah ding uh a, Benjamin a pai pih nadingun zawhthawh  sawl ding (Pian. 43) a, Benjamin a lungmuan laitak in, lauhthawn ding (Pian.  44), amaute in “Pharoah tawh a kibangpa” hih vanglianpa kiangah hehpihna  ngen in thuum ding uhhi. A tawpna ah Joseph in amah kipulak khia ding a,  amaute’n zong theita ding uh a, amaute in bangpeuh bangpeuh bawlkhin  taleh uh, Pasian in tua khempeuh a hoih in zuunsak hi. 

Hihteng khempeuh khit ciangin, a zomteng pen Joseph’ gualzawhna  vive leh, a sanggamte kisikkikna hi ding hi. Joseph leh a pa uh kikal ah aciah  akuanna uh,haksatna a phutna uh khem peuh in Joseph leh a pa uh tungah a  gamtat siatna teng’ gau thuak ahihlam uh phawkkik uh a, Pasian tungah khial  uh ahihlam theita uhhi. Joseph’ sanggamte in tua thute khempeuh pen Pasi

an’ thukhenna hi ci in ngaihsun uhhi. A thukhupna in, mikhempeuh khitui  luangsak, lungdamsak a, amau thumaanlohna tampi tak kawmkal ah,  mawhmaina ngah uhhi.

SUNDAY

June 12

JOSEPH’ ZA KHANGTO

Joseph adingin, Pharoah’ mangte in Pasian in a gam sungah “a  hihding teng” (Pian. 41:28) a lahna ahi hi. Joseph in ama’ Pasian a um dingin Pharoah samtuanlo hi. Joseph in tumahmah in nasep kipat ding  genbek hi. Khantoh nading ngiimna khat gen hi. Joseph in khantoh ding  ngiimna agenpen Pharoah in sangsiam bilbel a, leitung khantohna lam  sangin, khalam khantohna ding in Pasian in mangsungpan nasem ahihna  Pharoah in theih tuak zawlai hi. 

Piancil 41:37–57 sim in. Joseph’ gualzawhna ah Pasian koipan in  mapang hiam? 

Pharoah in, thumaan taktawh mang a khiatheipa, mailam thubuai  ding zong a geelsiampa mah, tua ngiimna teng ukding in teel a, amah’n pi athei hizawlo in ama’ “ngaihsut piakna hoih” (Pian. 41:37) ahihman hi. Tua  mahbangin Pharoah’ nasem khatmah in zong ngaihsutna a pia hi. Pharoah’  khensatna in biaknavai sangin gamvai hihtuak zaw hi. Pharoah in Joseph pen  “Pasian’ Khasiangtho in ompih” (Pian. 41:38) cih zong phawkkha a, “ngaihsutsiamin pilvang” zong sa-in(Pian. 41:39), Pasian piak pilna nei hi ci hi (Pian. 41:33;  leh 1Kumpi 3:12 simkak in). 

Laisiangtho sung a omkhempeuh pen tualai hun a Egypt gam dinmun  ahi hi. Gam ukna tawh kisai in Pharoah in Joseph pen ukpipa nuailian ah  akoih pen tanglai Egypt gam ngeina tawh a ki tuaklo hizawsop hi. 

Tua pan kipan kum sagih sung anhau mahmah ding uh a, anpiang  limlim pen “simzawhloh”(Pian. 41:49) in Pasian vaihawmna tawh piangli ang ding hi. A gentehna pen “tuipigei sehnel” (Pian. 41:49) zah ciliang a,  Pasian’ thupha ahi hi (Pian. 41:17). Joseph in tua thupha pen ama’ hih zah  bangliang in lahkhia a, a mun nihnih mahin, ama’ nungah Pasian in ompih  khinkhian hi.

Joseph in tapa nihnei a, a tapate’ min zong Pasian vaihawm sakna  tengmah phawkna leh, dahna pan nopna ah hong tun hi ci in Manasseh phuak  a, thuaksiatna pan punna ci in Ephraim a phuak hi. Pasian in a sia pan apha in  hong heisak thei cih lahtelna bangzah in hoih hiam.

Eima nuntakna sungmah panin Pasian omzia, midang muhtheih  dingin koibang in lahkhia ding ihi hiam?

MONDAY

June 13

JOSEPH A SANGGAMTE TAWH MAITANG KIMU

Piancil 42 sim in. Hihtengah bang piang a, mihingte gitloh  mahmah kawmkalah Pasian vaihawmna koibangin honglak hiam? 

Kialpi hangin Jacob in a tapate Egypt ah antang lei dingin pai sak ta hi. A thuzeek pipa bel Jacob mah ahi hi (Pian. 42:1). A kamsel  putekpa, kimlehpam thupiangte ukzawh peuhmah hi lo, upmawh lohpi  in thupiang kizom diudeu teng in, sawtpi a kahkah a tapa tawh ki muk ik sak ding hi.

Tua Pasian vaihawmsak kimuhkikna in khiatna nam nih neithei  hi. Amasa in Joseph’ mang a tangtunna ahi hi. Joseph in amang sun gah a muhkholhsa: “note’ buhlomte in keima buhlom maiah kuun uh hi” (Pian. 37:7) a cihpen tangtung taktak ta hi. Joseph pen “tua gam a  ukpa” (Pian. 42:6) hi a, a mangmat manin amah a zahko a sanggam  sawmteng in a uploh thuteng tangtung hi(Pian. 37:8).

A nihna ah, hih kimuh kikna pen thukkikna namkhat mah  ahihi. Kampau mawkmawk ahi a, thupaipi tawh ahi zongin, hih thu piang nihte in, amau gamtatna thaman cih ding hiphial hi. “Amaute  khatlehkhat kiho” (Pian. 42:21) cihpen Joseph a lehbawl noppan  kipan ahi hi. A sanggam teng thongsung a ompak (Pian. 42:17) zong  Joseph thongkiat mahbang ahihi (Pian. 40:3, 4). A sanggamte’n a paisa  kum 20 lai in, amau’ sanggampa tungah a bawlna tenguh mawhtawh  kipawl sak sam hi. Amaute khatlehkhat kiho in, “a taktak in i sang gampa tawh kisai in eite i mawh hi. Amah in eite kiangah hong  thumnapi, eite in athu i ngaihloh ciangin amah a lungkhamna i mu hi.  Tuathu hangin hihbang lungkhamna eitung ah hongtung hi” (Pian.  42:21).

Reuben’ kammalte “ama’ sihna sisan eite tungah hongtung  hi” (Pian. 42:22) acih zong, amahmah in, “Amah bangmah cihkei  ni” (Pian. 37:22) acih ngeisa mah hi a, tu in tuathu tengmah amaute’n  phukik leuleu uhhi. 

A tamzaw in, eima dahna ding vive kibawl hi. Eima bawlsa  teng bangzah in lianmah leh koici puahkik thei ding ihi hiam? Pa sian hong kamciamsa, Zeisu tungtawn in maisakna saantheih ding  banghang in thupi naci hiam (Rom. 5:7–11)?

TUESDAY

June 14

JOSEPH LEH BENJAMIN

Jacob in Benjamin pen Rachel tawh a tapa khatbek a omlai ahih  manin olno takin paikhia sak hetlo hi. Joseph mansuah khin ahih manin, Ben jamin zong a mansuah kikding lau mahmah hi (Pian. 43:6–8). Annek ding a  neih nawnloh tak ciangin (Pian. 43:2), Judah in keimah hong kikham hining  (Pian. 43:9)ci a, tuaciang in Jacob in lungmuang zawdeuh in, Egypt gam  khualzin a nihvei nading ah a sanggamte tawh kikhawl sakpan hi.

Piancil 43 sim in. Tutung Benjamin hong kihelna in bangthu pi angsak hiam?

Benjamin kihelna in thupiang khempeuh uk hi. A sanggam teng Jo seph’ mai ah a din laitak in, Joseph in Benjamin bekmah mitsuan hi (Pian.  43:16).Benjamin bekmah “sanggam” naci hi (Pian. 43:29). Benjamin’ min a  kisap laitak in, a sanggamte’ minteng kilo khalo: amauteng pen “mite” naci  ziau leltak hi (Pian. 43:16). 

Joseph in Benjamin pen “ka ta” ci a, it-tuamna a lahna ahi hi (Pian.  43:29; Pian. 22:8 enkak). Joseph’ thupha piakna ah zong “hehpih” (Pian.  43:29) ci a, a beisa hunin a ngetnget a ngahkhak loh teng cihnopna zong hih tuak hi (Pian. 42:21). Joseph in a sanggamte tungpan in ama ngah khakloh  thupha teng Benjamin tungah suan hi.

Joseph’ sanggamte in, sum akikoihsak kikteng hangin, a thongkiat  khakding uh alau mah mah laitakun, Benjamin zong a omman in, Joseph in  annekkhop pawikhat kiginsak hi.Amau dinmun khempeuh Benjamin in tat khiatsak cihnop huailiang hi. Unau teng akumzui in atut dimdiam khit  ciangin, pahtawina ngeina pen nautumpen Benjamin in, a u-te’ sangin a zah  nga in ngah kha hi (Pian. 43:33, 34).Hihbang in maipha piaktuam manin  amau’ lungsim buailo lelta uhhi. Kum tampi lai in, Joseph pen a pa’ maipha  piaktuampa nahilel a, ama’ sanggampa tungah leh a pa’ tungah amau ngong tatna ngeisa hilel ahihman ahi hi (Pian. 37:3, 4). 

“Joseph in, a sanggam dangte in Benjamin a hazaat tuaklai hiam cih  a theihnop manin a bawl ahi hi. Joseph in a kampaute uh a theilo dingmah  salai uh a, amaute in amau utbang in kiho uhhi. Tuapan mahin Joseph in a  sanggamte lungsim puakzia natheikhia pah hi. A sanggamte’ lung sim  theihbeh nuamlai ahih manin, a ciahmaa in, Benjamin’ antang ip sungah,  ama’ ngunhai seel simsak ding in a sawl hi.”—Ellen G. White, Patriarchs  and Prophets, pp. 228, 229.

WEDNESDAY

June 15

AISAANNA HAI

Piancil 44 sim in. Joseph in aisanna hai pen Benjamin ip sungah  banghang in koihsak hiam?

Hih tangthu in zong amasa mahtawh kizawitawn hi. Tunung deuh in  Joseph in hihding dan asawl sitsetsa: tu in zong antang ipteng antang a dim  guansak hi. Tutung ngawngaw ciangin, ama’ tui dawnna hai pen Benjamin  ipsung ah koihding in sawl hi.

Tu’n pen thupianzia hong tumdang deuh hi. A pai masak lai-in, a  sanggam teng in Benjamin Egypt gam Joseph’ maiphu ding inah paipih  dingin, Canaan ah hong ciahkik uhhi. A masalai mah bang in a sanggamteng  in amuhngei tengmah uh mu uh a, Benjamin’ ip sungah Joseph’ hai kimu  citciat hi. Upmawhlohpi in, maipha ngahpenpa Benjamin in Joseph’ hai tawh  hong awkta ahih manin, guta in kisiat a thongkia ding hong hita hi. 

Joseph in tua aisaanna hai a zatpen a tua hai’vanglian hi cih a um  hituanlo hi. Joseph in tua bang ai vangliatna cihte umngeilo a, “amau’ thusim  teng a theibang in a upding uh a deihman ahi hi.”—Ellen G. White, Patri archs and Prophets, p. 229.

Hih aisaanna hai pen, a sanggamte in Pasian tungah mawhuh  ahihlam a kitheihtheih nading in, mihing khengval in pilna nei cihbang danin  a paulam ding in azat ahihi. Tua ahih manin Judah in zong Joseph kammalte  a saanna dan ah, Pasian in kote’ mawhnate Pasian in thei hi naci hi (Pian.  44:16). Tua amanpha hai gukna in daan piakna lianpi khatmah ahih banah a  sanggamte lungsim ngaihsutna theihkhiatna zong ahi hi. 

A sanggamte kiphawkkik theihna in nasia mahmah in kician mah mah hi. Thuakna sungah ki pumkhat mahmah uh a, mawhneilo Joseph Egypt  ah saltang sak in amansuah uh bang in, Benjamin zong a mansuah kik ding  uh laumahmah uhhi. Tua hangmah in Judah in Benjamin “tang” (Pian.  44:33)in keimah nasila in hong omsakzaw in cihi. Mawhneilo Isaac  “tang” (Pian. 22:13)in tuutalno meihal a kipiak mahbang ahi hi. Judah in  amah aitang in biakpiakna in kipiakkhiatna tawh a pa tunga a tungding  “siatna” khempeuh thuaksak sawm hi (Pian. 44:34). 

Judah hong kipiakkhiatna sungah, aitang in kithuaksakna tawh  kisai bang itna thukhun namu hiam? Laisiangtho sunga hotkhiatna koi bangin hong teltuam sak naci hiam? (Rom. 5:8 simbeh in).

THURSDAY

June 16

“KEI NA SANGGAMPA JOSEPH KA HIHI”

Piancil 45 sim in. Itna, upna leh lam-etna tawh kisai bang pilna i  ngah hiam?

Judah in “ka pa” ’avi tungah a tungding “siatna” (Pian. 44:34) a  cihphet leh, Joseph in a “gingkhia” (Pian. 45:1) in kap a, a sanggamte kian gah “amah kigenkhia” hi. Hih kammal pen Pasian in amah a kipulakna ah  kizang zel a (Pai. 6:3, Ezek. 20:9), hih tengah zong Pasian mahin Amah kip ulak in ngaihsuthuai zaw hi. Mihingte in bangzah kihhuai thanghuai taleh Topa in Ama’ vaihawmna mah tangtunzaw cihna ahi hi. 

Joseph’ sanggam teng in a thuzak leh amuh uh teng umzo phalo uh hi. Tua ahih manin Joseph in “keimah na sanggampa Joseph ka hihi” (Pian.  45:4) ci phapha a, a nih veina ciangin kician takin, “Egypt ah nongzuak  uh” (Pian. 45:4) cih kammal azak uh ciang bekin umpan uhhi. 

Tua ciangin Joseph in “Pasian in kei hong sawl hi” (Pian. 45:5) cihi.  Hih Pasian acihna in deihna namnih nei hi. Joseph in a sanggamte’ tungah  lungsimsia bangmah nei nawnlo cihna leh: upna leh lam-etna pulakna hi a, “a  lianmahmah suahtakna” leh “khangsawnte” khawsuak zawhna ding cihna ahi  hi (Pian. 45:7).

Tua ciangin Joseph ina sanggamte kiangah, a pa uh Egypt ah hong  paisuk theihna ding kithawi sak dingin thupia hi. A “teenna” dinguh mun  zong kitelsinsen in vaikhak pahlian a, a hoih a minthang lohingna Goshen “a  hoihpenna gam” (Pian. 45:18, 20) cipah hi. A paina dinguh in zong: sakol’  lengte vaihawmsak in, Jacob’ tapate in amah khem nawnlo ahihna atheih  nading cihna ahi hi (Pian. 45:27). Jacob in hibang a muhtheih teci hangin  Joseph nungtalai takpi cih um thei a, tua thu in amah thaksuahsak kik hi  (Pian. 37:35, Pian. 44:29 simkak in).

Thu khempeuh hoihta hi. Jacob’ tapa 12 teng zong nungta lai uhhi.  Tu in Jacob pen “Israel” (Pian. 45:28) kici ta a, Pasian’ vaihawmsakna  tengpen nasia takin hong kilang hi.

Joseph a sanggamte tungah hoih hi. Amah’n thukkik theilua hi.  Eite tungah a sia hong bawlte tungah hehpihna lakzo leng, Joseph  mahbang in ahoih a piangzaw ding cih koibang in natheithei hiam?

FRIDAY

June 17

NGAIHSUTBEH DING: Ellen G. White,Patriarchs and ProphetsLaimai  213–223 sungpan”Joseph in Egypt,” leh “Joseph and His Brothers,” 224-232  simin.

“Ni thumsung a kikalhkhumna pen Jacob’ tapate a ding dahna lianpi  ahi hi. A beisa a mawhnate uh phawkkik san uh a, a diak in Joseph tungah a  ngongtatna uh hipha diak hi. Amau pen thukante ci in thukip omkha peu hmah leh, amau kisiansuah zolo ding uh a, si ding uhmaw, sila suak ding  maw cih bek omlai hi. Benjamin paikhiat ding a vaihawm peuh mah pen,  Joseph mahbangin sihsia in sisak nuam hi cihbangin a pa’n a ngaihsut ding  uh patau mahmah uhhi. Joseph pen sila in a zuak manun, Pasian in amau  zong sila suaksak kik ding cih khawngzong lau uhhi. 

Joseph in ahihleh a pa leh a innkuanpihte a sanggamteng gilkial ding  laumahmah a, a sanggamteng zong a gitlohna uh pan kisikkik khin cihleh,  amah a bawluh bang in Bejamin bawllo ding cih zong teltaktak ta hi.”— Ellen G.White, Spiritual Gifts, book 3, pp. 155, 156.

“Joseph lungkimluata hi. A sanggamteng sindikdek khinzo a, kisik kikna taktak gah gahuh cih telsinsen ta hi.”—Ellen G. White, Spiritual Gifts,  book 3, p.165. 

KIKUPDING DOTNATE:

  1. Thursday dotnate lungngai kik in. Ama ading thu hoih piangkhollo ding hileh a sanggamte hehpih dingin na um hiam? Tellian samlo hina vehang, Joseph in a tangthu sung ah gamtat hoihna vive honglak hi a, a  koipen in ama hoihna hong lakpen naci hiam?
  2. Joseph pen Khazih dinmun ah amadawk in hongpai masa cihthu koici bangin kimu thei hiam?
  3. Joseph in a sanggamte sin dikdek hi. Tua mahbangin Pasian in koibangin nang hong sin hiam?
  4. Kum tuazahtan khit ciangin, a sanggamte in Joseph tungah a mawhna uh phawkpan uhhi. Mawhna bangzah in vanglian cih koibang in hong hilh hiam? Pasian’  maisakna sangin hong kimaisak theimah a, i kiphu  hetkei phial zongin eileh eimah koibangin kimaisak  thei ding ihi hiam?