ယခုအချိန်သည် ကတိတော်ထားသော ပဋိညာဉ်ပြည့်စုံရမည့်အချိန် ဖြစ်သည်။ ‘‘သင်၌မူကား၊ ငါ့ပဋိညာဉ်ကိုငါတည်စေမည်။ သင်သည် သား၊ မယား၊ ချွေးမများနှင့်တကွ၊ သင်္ဘောထဲသို့ဝင်ရမည်’’ (က၊ ၆း၁၈)။ ဘုရားသခင် ဖျက်ဆီးခြင်းအမှုကို ပြုတော့မည့်အချိန် (က၊ ၆း၁၇) တွင် ထိုပဋိညာဉ်သည် အသက်ရှင်ရန်အတွက် ကတိပေးခြင်းဖြစ်သည်။

က၊ ၈း၂ဝ ကိုဖတ်ပါ။ ပထမဦးဆုံး သင်္ဘောထဲမှထွက်လာသည်နှင့် နောဧသည် မည်သည့်အမှုကိုပြုသနည်း။ အဘယ်ကြောင့်နည်း။

အာဒံနှင့်ဧဝလိုပင် ဖန်ဆင်းခြင်းပြီးပြီးချင်း ခုနစ်ရက်မြောက်သောနေ့၌ ဘုရားသခင်ကို ဥပုဉ်နေ့မှာဝတ်ပြုကြရသည်။ နောဧသည် ရေလွမ်းမိုးခြင်း ပြီးသည်နှင့် ချက်ချင်းထာဝရဘုရားကို ဝတ်ပြုကိုးကွယ်ခြင်းပြုသည်။ ဖန်ဆင်းခြင်း အခြားအသစ်တစ်ခုကိုဖြစ်သည်။ ကွာခြားပုံမှာ ဝတ်ပြုခြင်းနှစ်ခုအကြားဖြစ်သည်။ အာဒံနှင့်ဧဝတို့ကဲ့သို့ ဘုရားရှင်ကို တိုက်ရိုက်မျက်မြင်ဖူးတွေ့ရသည်မဟုတ်ပါ။ နောဧသည် ပူဇော်သကာနှင့်အတူ ဘုရားရှင်ကို ဝတ်ပြုခြင်းဖြစ်သည်။ ယဇ်ပလ္လင်တည်၍ ယဇ်ပူဇော်ခြင်းကို ကျမ်းစာ၌ ပထမဦးဆုံးဖော်ပြခဲ့သော အချက်ဖြစ်သည်။ ပူဇော်သောယဇ်မှာ မီးဖြင့်ပူဇော်ခြင်းဖြစ်သည်။ ‘‘အိုလား’’ ဟုခေါ်ဆို၍ ထိုပူဇော်ပုံသည် ရှေးအကျဆုံးယဇ်ပူဇော်နည်းဖြစ်သည်။နောဧအတွက်မှာ ထိုပူဇော်ခြင်းသည် ကျေးဇူးတင်ဂုဏ်ပြုသောပူဇော်ပွဲပင် ဖြစ်သည်။ (တော၊ ၁၅း၁-၁၁ ကိုဖတ်ပါ။) ဖန်ဆင်းရှင်ထာဝရဘုရားကို ကျေးဇူးတင်ကြောင်း ဖော်ပြသောအမှုပင်ဖြစ်သည်။ အဘယ်ကြောင့်ဆိုသော် သူ၏အသက်ကို ကယ်တင်ပေးသောကြောင့်ဖြစ်သည်။

က၊ ၉း၂-၄ ကိုဖတ်ပါ။ ရေလွမ်းမိုးခြင်းသည် ကမ္ဘာပေါ်ရှိလူတို့၏ အစားအစာကို မည်သို့ထိခိုက်သွားခဲ့သနည်း။ ဘုရားရှင်၏တားမြစ်ထားခြင်း နောက်ကွယ်၌ မည်သည့်စည်းမျဉ်းစည်းကမ်းပါရှိလာသနည်း။

ရေလွမ်းမိုးခြင်း၏ ထိခိုက်ခြင်းကြောင့် အသီးအရွက်သစ်သီးဝလံများ အကုန်ပျက်စီးသွားတော့သည်။ ထိုကြောင့် ဘုရားသခင်သည်လူသားများအား တိရစ္ဆာန်အသားကိုစားသုံးရန် အခွင့်ပေးလိုက်သည်။ လူတို့၏စားသောက်မှုပုံစံ ပြောင်းလဲသွားသည်နှင့် လူနှင့်တိရစ္ဆာတို့အကြား ရင်းနှီးဆက်ဆံမှုလည်း ပြောင်းလဲသွားခဲ့သည်။ မူလဖန်ဆင်းခြင်း၏အခြေအနေနှင့် ရေလွမ်းမိုးပြီး ရှိသောအခြေအနေကို နှိုင်းယှဉ်ကြည့်မည်ဆိုလျှင် လူသားနှင့်တိရစ္ဆာန်တို့သည် အသီးအရွက်သစ်သီးဝလံကိုသာ စားသုံးခဲ့ကြသည်။ တစ်ဖွဲ့နှင့်တစ်ဖွဲ့ ရန်လိုခြောက်လှန့်မှု လည်းမရှိခဲ့ပါ။ ရေလွမ်းမိုးပြီးနောက် ကမ္ဘာကြီးအခြေအနေ သည် လူသားများမှ တိရစ္ဆာန်ကို သတ်ဖြတ်စားကြသောကြောင့် တစ်ဘက် နှင့်တစ်ဘက် ရန်သူလို ဖြစ်လာကာ သူ့ကိုကိုယ်ကြောက်၊ ကိုယ့်ကိုသူကြောက် အခြေအနေဖြစ်လာသည် (က၊ ၉း၂)။ သို့ဖြစ်၍ လူဦးလျှင်တိရစ္ဆာများ အစားခံရသလို တိရစ္ဆာန်များဦးလျှင် လူသည်လည်းအစားခံရတော့သည်။ မယုံစရာမရှိ။ လူနှင့်တိရစ္ဆာန်တို့သည် ရင်းနှီးရာမှ သီးခြားနေထိုင်လာတော့သည်။ တစ်ချိန်၌ ဧဒင်ဥယျာဉ်အတွင်း အတူပျော် ရွင်စွာနေထိုင်ခဲ့ကြသည်။

ဘုရားသခင်သည် သည်းခံခွင့်လွတ်တော်မူ၍ ထိုနှစ်ဖွဲ့ (လူနှင့်တိရစ္ဆာန်) တို့အကြား သတ်မှတ်ချက်ချကာ တိရစ္ဆာန်သည် အဓိကအစာဟုမသတ်မှတ် ပေးပါ။ ပထမဦးစွာ သန့်ရှင်းသောအကောင်နှင့် မသန့်ရှင်းသောအကောင်ဟု သတ်မှတ်သည်။ ဖန်ဆင်းစဉ် ကပင် ရည်ရွယ်ချက်ထား၍ ဖန်ဆင်းထားခဲ့သည် (က၊ ၈း၁၉၊ ၂ဝ ကို က၊ ၁း၂၁၊ ၂၄ နှင့်နှိုင်းယှဉ်ကြည့်ပါ)။ ဒုတိယချက်မှာ အသွေးကိုသွန်း၍ အသွေးကိုမစားရန်အတွက် ပညတ်သည့်အကြောင်းမှာ အသွေးသည် အသက်ရှင်ရန်အတွက် (အသက်) ပင်ဖြစ်သောကြောင့်ြဖစ်သည်။ (က၊ ၉း၄)။