Lesson 2

April 2–8

PAPO GA·AKANI

SABBATH ATTAM

APRIL 2

Ia Antini Lessonna Poraiani: Aba. 3:1; 2 Kor. 11:3; Parape·a 12:7–9; Aba. 2:16, 17; Aba. 3:7–13.

 MINGANI POD: “Aro anga nang∙mung aro me·chikmung aro nang·ni ma∙chongmung aro me·chikni ma∙chongmung bobil ong·grikatgen; unon ua nang·ni skoko matatgen aro na·a uni ja∙pa-ki∙tikko matatgen” (Aba. 3:15).

 ISOL ADAM ARO HOBANA bang·a on∙anirangkon on·aha. Isol an·chingni skanggipa ma∙a paana mikrakataniko on·aha: “Na·a ia barini pilak bolni biteko cha·tokna ama. Indiba nama-namgijako uiani bolni biteko cha·na nangja; maina uni biteko cha·ani salon na·a sichongmotgen.” (Aba. 2:16, 17). Ia mikrakatanian Isolni an·chingna mesokani ong·a je, Ua an·chingni magitcham pagitchamna mamung namgijani gimin u∙iatna sikjachim. Isol Adam aro Hobako namararani giminsa u∙iatna skaiachim.

Maini gimin Isol indake miksongachim, an·ching ma∙sinaman·a, mo?

Adam aro Hoba sina nangchongmotgen (Aba. 3:19) maina uamang Isolni niamko katta manijaha (Aba. 2:17). Isol ru·utgijan Adam aro Hobako boljanggini biteko cha·na gita ong·jaha. Indiba uamang cha∙genchim ong·ode, uamangara jringjrotnan papirang ong·en tangaignokchim (Aba. 3:22). Uni gimin, Isol an·chingni skanggipa ma∙a paako Eden bariko wate re·angchina gita aganaha. (Aba. 3:24).

Indiba Isol Adam aro Hobako ka·dongatani katta baksa watataha. An·ching ia ku∙rachakaniko Aba. 3:15 o nika. Aba. 3:15 ara skanggipa ku∙rachakgimin Nama Kattaong·a. Isol an·ching pilaknan papni sasti aro siaoni naljokna gita jokani cholko ku∙rachakaha.

ROBIBAR

APRIL3

CHIPU (Aba. 3:1)

Chipuara sawa? Maikai chipuara Hobako tol∙napaha? Aganchakaniko man·a gita, Aba. 3:1; 2 Kor. 11:3; aro Parape·a 12:7-9 ko poraibo.

Aba. 3:1 o “chipu” ine janapaniko nika. Mose “chipu” ingipa kattako sentenceni a·bachengao donaha jedakode an·ching una gisik on·a gita man∙gen. Sentenceni skanggipa kattarangara pangnan nangchongmotgipa ong·a. Uni gimin, an·ching iano nikna gita man·a je, chipu ingipa kattara ia golponi nangchongmotgipa bak ong·a. Aroba, na·simang iako nikama nikja, chong∙motan, Moseni seanio “chipu” inesa janapa aro uko “mangsa chipu” inedejanapja? English kattao article “the” ingipakojakkalanio, ua chipuara saoba an∙chingni ma∙sigiminan ong·a ine an∙chingna mesoka. Uni gimin, Mose an·chingna Aba. 3 o ia skanggipa kattarangoniko iako mesoka je, chipuara saoba chong∙motgipaan ong·a aro uara dakjegipa bimang ong·ja ine mesoka.

Sastroo an·chingna chipuko Isolni bobil ong·a ine minggipin pod o janapa. (Isaia 27:1). Sastroo chipuni bimungko “Diabol ba Satan” ine janapa. (Parape·a 12:9). Sastroni somoio, manderang chipuko namgijagipa miksonganina chana aro bebera∙a.

“Satan uni namgijagipa miksonganirangko Hobana ma∙siatna gitasikjaha. Uni gimin, Satan an·tangni chong∙mot ong∙aniko donnuna basee ra·aha. Ua Hobana chipuni bimango mikkang pa·na gita basee ra·aha. Chipuara Satanni Hobako tol∙napna gita jakkalgipa namgipa ong∙atgimin janggi gnanggipa ong·achim. Ua somoiode, chipuara a·gilsakni pilak matburingrangni giseponi gisik seng·batgipa aro namen nitobatgipaba ong·achim. Chipuo grangrangba gnangchim. Jensalo chipu bangbango bilon, unon ua natgimin sona gita namen ching∙beachim.”—Ellen G. White, Pagitchamrang aro Katchinikgiparang, jak 53.

Chipuaraan∙tangko Isolni ripengsa, aro Uni bobil ong·ja ine dakjeaha. Chipuara iako maikai dakaha? Chipu Isolni kattarangko me·chikna aganaha. Ua Isolni niamrangna chaka dake dakmikaha. A·bachengaoni an·ching Satanni Isolni kattako aganna skaniko nikna gita man·a. Ja∙mano, Satanni Sastroko namen ma∙sianiko an∙ching nikanggen. (Mati 4:6).

Na·a Satanni Hoba baksa ua somoio jegrikaniko nikama? Skangipao, ua Hobako sing·chengaha. Unitol∙nape sing·aniara Hobako ia chanchianiona sokataha je, chipuba Isolni niamrangko bebera·a. “…Isol inbebeahama?” (Aba. 3:1). Indiba chipuara Isol mamung dakeba bebera·jachim. Uni gimin, a·bachengaonin an·ching Satanko bilongbeen tol∙napna changgipa aro jajaatna changgipa ine nikna gita man·a. Aro an·ching uni tol∙napna changanikoba ru∙utgijan niknaman·gen.

Satanara Hobako nitogipa Eden barion tol∙napna man·genchimode, ua an·chingkoba ia paparigipa a·gilsako uni tol·napanio ga·akatna gita baditan man·gen? Diabolni tol∙napaoni naljokna gita an·chingni nambatgipa ka·donganiara maia?

SOMBAR

APRIL 4

BENG∙GIMIN BOLNI BITE (Aba. 2:16, 17)

Aba. 2:16, 17 o Isolni Adamna ge∙etgimin niamko poraie nibo. Aba. 3:1–6 o chipuni me·chikna agangipa kattarangko ia ge∙etgimin niam baksa tosusae nigrikbo. Maikai Isolni kattara chipuni agangipa kattaoni dingtanggrika? Aro ia dingtanggrikni ortoara maia?

Maikai chipuara Hobana aganahachim (Aba. 3:1–6), na∙a nikengama?Isolni Adamna agangipa bang·akattarang baksa apsananga. (Aba. 2:16, 17). Chipu an∙tangko Isolni biapko ra∙aha aro Una bate ma∙sibata ine Hobako bebera·atna nangnikengachim. Skanggipaode, chipuara tol∙napagrigipa sing∙anikosa Hobaosing·aha. Indiba chipuara ja∙gitotani ramakosa sing·engachim. Ua Hobako jajaatna miksongaha. Ua Hobako bebera·atna gita miksongaha jedakode ua mamung saloba Isolnimiksonganiko ma∙sinaman·jawa. Uni ja∙mano, Satanara Hobako Isolo bebera∙gija dakatna jotton ka·aha. Aro bon∙chote, Satanara ka·dongbeen Isolni agangipa kattarangde tol∙asa ine aganaha.

Satanara minggni tol∙anirangko aganaha. Skanggipa tol∙aniara, siani giminan ong·a. Gnigipa tol∙aniara, nama aro namgijani giminan ong·a. Isol Adamna ua beng∙gipa bolni biteko cha∙genchim ong·ode sichongmotgen ine aganman·ahachim (Aba. 2:17). Indiba Satan Hobana indine aganaha je, ua sichongmotjawa (Aba. 3:4). Isol Adamko ua bolni biteko cha·na beng∙ahachim (Aba. 2:17). Indiba Satan Hobako ua beng∙gipa bolni biteko cha·na gita didiaha maina ua bolni biteara uamangko Isol gita chacha ong·atgenchim. (Aba. 3:5).

Hoba Satanko bebera∙aha.Biteko cha∙ode jringjrotna tangbanggen ine ua uni tol∙napaniko bebera∙aha. Isol gita ong∙gen ine tol∙napaniko ua bebera∙aha.Isolko katta manijahaon, baktapan, Isol dongjaha ingipa gita ua chanchiaha.Namjabate, ua an∙tangkon isol ine chanchiaha.Ia bewalko an∙ching Hobni biteko niaoni man∙sina gita man∙a.Ua bolni biteara nama ine Hoba nikaha. (Aba. 3:6). Salgi aro a∙gilsakko Isolni ong∙atanio salprako ong∙atanirangko ong∙atani ja∙mano, Uni “name nikaha” (Aba. 1:4) ingipa kattarangko an∙ching gisik ra∙na man∙a.

Sastroni somoirango, Egypt aro Greekni torom dilgiparang Satanni minggni tol∙napaniko ra·chaka aro skiaba skia. Ua dilgiparang iako skiaha je, mandeni be·en bimang sigenchimoba, gisikde sija. Ua dilgiparang skia je, manderangara Isol gita chacha apsan ong·aia. Dukni katta, ia tol∙gipa skianirang da·alo Jihudi aro Kristian toromni bebera·nionaba napbaaha. Da·alo, bang·a mondolirangan indake bebera·a je, jensalo mandeni be·en bimang siahaon, gisikde sija.

Siani sokbaon, an∙chingna mai ong∙achim, Sastroomaiko skia? Gisikara pangnajolnan tangkame donga ine Satanni tol∙napaoni ia bebeni nama kattara an∙chingko maikai naljoke rakkia?

MONGOLBAR

APRIL 5

ISOLONI DONGNUA (Aba. 3:7–13)

Aba. 3:7-13, o Adam aro Hobani papko ka∙ani ja∙mano mai ong·ahachim, uko an·chingporaiman·aha. Maini gimin Adam aro Hobaara Isoloni dongnuaha? Maini gimin Isol Adamko “Na·ara bano” (Aba. 3:9) ine sing·aha? Maia pa∙sikani kattako Adam aro Hobaara aganchakaha?

Jensalo Isol Adam aro Hobako ong·aton, Isol uamangni be·en bimangko seng·ani rasongchi pindapaha. Ia seng·aniara Isolni rasongko mesoka (Git. 8:5 ko Git. 104:1, 2 baksa tosusae poraibo). Adam aro Hobani pap ka·ani ja∙mano, uamangni seng·ani gimaaha. Isolni bimanggita ong∙atgimin ia jorasaara ru·utgijan dimelaha aro uamango Uni ka·saaniba dongjaha. Uamang an·tangtangni nagandeako masiaha. “Aro te∙bil bijakko sikritchuaha, aro an∙tangtangna kangkare kaaniko dakaha.” (Aba. 3:7). Na·a “sikritchuaha” ingipakattako nikama? Ia verb “sikritchuaha” ingipakora “dakaha” ineba sena man·gen. Ianona kingking, an·ching “dakaha” ingipa mangmangko nika jean Isolni kam baksa nangrimea.  (Aba. 1:7, 16, 25 ko poraibo). Moseara an·chingko iako nikatna ska je, Adam aro Hoba uamangni ka∙gimin ba dakgimin papko chola ba∙rachidonnuna gita jotton ka·aha. Adam aro Hoba indake chanchiaha je, uamang an·tangtangni namgipa dakbewalrangan uamangko jokataigen. Indiba watata Paul indake an·chingna talatanirangko daka je, an·ching an·tangtangni namachi jokna gita man·jawa (Gal. 2:16).

Isol Adamko indine sing·aha, “Na·a bano?” (Aba. 3:9). Adamara banochim, uko ma∙sijani gimin Isolara ia sing·aniko maina Adamo sing·ahama? Isol masia! Ja∙mano, Isol Kainkoba ia apsan sing·anikon sing·aha. Isol ia sing·aniko sing·aha jedakode Adam aro Hoba an∙tangtangni dakgualaniko ma∙sina gita man∙genchim. Paponi an·pilaniko Isol uamangkonangnikaha. Jensalo mande papko ka·ahaon, Isol uamangko jokatna ta∙raken kamko ka·aha.

Ia golpoan an·chingna mai somoio Isol An·tangni manderangko bonkamani somoio bitchal kagenchim, ua somoiko mesoka. Skanggipao, Isol ia sing·aniko sing·aha. (Aba. 3:9). Uni ja∙mano, Isol uamangna sastirangko parakatskaaha (Aba. 3:14–19) jedakode uarang Adam aro Hobako Uona an·pilbachina gita dakchakgen. Unikode Isolara uamangko jokatgenchim (Aba. 3:15). An·ching ia skie on·aniko Sastro jolgimikon nikna gita man·a.

Skangipao, Adam aro Hoba dos gnanggipa papirangni daka gita uamangba dakaha. Chong∙motan, Uamang saksa sakgipinko dosgalgrikaha. Hoba Adamko papko kachina gita dilaha. Uni gimin, Adam Hobako dosgalaha (Aba. 3:12). Adam Isolkoba dos galaha maina Isolsa una me·chikko on·aha.Hobaara chipuko dos galskaaha. “Chipu angko budi dakaha” (Aba. 3:13). Ibri kusiko “budi daka” ine segipa kattako “Nasha” ine janapa. “Nasha” ingipa kattara chipuni Hobana tol∙gipa ka·dongataniko on·na jotton ka·anikoba an·chingnamesoka. Hoba ong∙akon dakenga ine bebera∙atna chipuara skaha. (2 Raja. 19:10; Isaia 37:10; Jer. 49:16).

Na·aba sakgipin manderangko an·tangni dakgualanirangna dosko galama? Maikai ia ja·gao ga·akna gita namen altuabea?

BUDBAR

APRIL 6

ISOL CHIPUKO SAO ON·A (Aba. 3:15)

“Anga nang∙mung aro me·chikmung aro nang∙ni ma∙chongmung aro me∙chikni ma∙chongmung bobil ong∙grikatgen; unon ua nang∙ni skoko matatgen aro na∙a uni ja∙pa ki∙tikko matatgen.” (Aba. 3:15). Maiko Jihovara chipuna aganengachim? Maia ka·donganiko an·chingara ia sao on·anio nikna gita man·a?

Chipu Eden bario namgijako a·bachengataha. Uni gimin, Isolara An∙tangni kamko chipuko bichalka·achi a·bachengaha. Ia golpoo chipukosan mangmang Isol sao on∙aha ine na·a nikama?

Jensalo Isol salgi aro a∙gilsakko ong∙aton, ua obostani bikpilgipako Aba. 3:15 an·chingna mesoka. Ua somoio,Isolara salgi aro a·gilsako janggi gnanggiparangko, namanirangko, aro pattianirangkogapataha. Da·o, Isol chipuko bichal ka·aha. Chipuni kosako saoko aganprakataniara siaona, namgijaona dilani, aro sao on·anirang ong·a. An·ching iako nikgen je, Isolnichipuko sao on∙anio, an∙chingna ka·dongan gapgipa kurachakanikoba manchapataha. Sao on·aniara dingtang manchagipa mikkangchina on∙gimin nama katta ong·a, chong∙motan, Isolara mandeko jokatgen (Aba. 3:15). Isolara Adam aro Hobana ia ka·donganiko Uni uamangko bichal ka·na skangan on·manahachim ine na∙simang nikama? Oe, Adam aro Hoba papko ka·aha. Oe, uamang dukko chakna nanggen maina uamang papko ka·aha. Oe, uamang siaba sigen. Indiba Isol uamangna ka·dongataniko on·aha je, bon·kamao Uauamangko jokatgen.

Aba. 3:15 ko Rom. 16:20 baksa; aro Ibri. 2:14 ko Parape·a 12:17 baksa tosusae nibo. Maikai ia podrang an·chingna Isolni an∙chingko jokatna miksongani aro nama aro namgijani gisepo dal·begipa dakgrikaniko mesoka?

Aba. 3:15 aro Parape·a 12:17 o an·chingna apsan talataniko mesoka ine na∙a nikama?  Maikai ia podrangni bakrangara apsan melianga, hai an·ching nina:

 

               Aba. 3:15                                          Parape·a 12:17

               Chipu (Satan)                                  Drakon

               Bobil                                                  Namen ka·onanga

               Me·chik (Eden bario)                    Me·chik (Agisio)

               Uni dedrang                                    Uni dedrang

               Matata                                               Dakgrika

 

Chipu aro me·chikni gisepo dakgrikaniara bon·kamani somoiona kingking ong·angkugen. Isol ku∙mikchetaha je, Satan ia dakgrikanio chejawa. Jisu ua chipuni skoko matatgen. (Parape·a20:10).

Isol an·chingna ka·donganiko Eden bario on·aha jeon pap aro namgijani ia a·gilsakona a·bachengbaahachim. Maini gimin ia Sastroni nama kattara inditan ka·dongataniko on·a?

BRISTIBAR

APRIL 7

MANDENAISOLNI MIKSONGANI (Aba. 3:15–24)

Adam aro Hobana uamangni papni a∙sel mai ong·aha? Aganchakaniko man·aAba. 3:15-24 ona poraibo.

Isol chipuna sastiko on·aha jean sao on·ani baksa apsanangachim.(Aba. 3:14). Indiba Isol me·asa aro me·chikna dingtang dakgipa sastiko on·skaaha. Uamangni sastiara sao on·anide ong·ja. Moseni seanio “sao” ingipa kattako A∙bachenga ki·tapo changsa mangmangsan Isol “a·ako” sao ong·aniko an·chingna mesoka. (Aba. 3:17). Isol chipuna bate, me·asa aro me·chikna nambata miksongani donga. Isol Adam aro Hobana ka·dongatani kattarangko on·aha jekon Ua Satannade chol on·jaha.

Me·chik papko ka∙chengaha maina ua chipu baksa agangrikaha. Uni gimin, Isol me·chikna Uni chipuna on∙gipa sasti baksa melie Isol una on·aha. Uni gimin Aba. 3:16 o me∙chikni gimin janapgipa nama katta Aba. 3:15 o Jokatgipani gimin agangipa nama kattani gamchataniko an∙chingna mesoka. Ia nangrimanian Isolni me∙chikni gimin agananio mandeko jokatna Uni miksonggimin bak ong∙aniko an∙chingna mesoka. (1 Tim. 2:14, 15 baksa nisusabo).

Me·asaba pap ka·aha maina ua me·chikni kattako ra·e,Isolko manijaha. Uni gimin, Isol mandeko a·ako sao on·achi sasti on·aha maina Isol Adamko a·aoniko ong·ataha. (Aba. 3:17). Da·ode mande uni janggi tanga dipet rake kam ka·na nangaha. (Aba. 3:17–19). Unikodesion, ua a·mangonan re·angpila. (Aba. 3:19). Sianiara mamung dakeba mandena Isolni miksongsoani bako ong·jachim.

Me·chikara janggi aro ka·saani bidingotoe aganani ong·a. (Aba. 3:20). Hobani su∙gipa saksa mikkangchi bi·sa saksako ba∙gen. Ia Bi·saan a·gilsak gimikni Jokatgipa ong·gen. Ua manderangko pap aro siaoni jokatgen.

Isol Adam aro Hobana namgijako ong·ja, indiba namakosan miksongaha. Adam aro Hoba Isolni ka·saani gimin ba Uni kattani gimin ma∙sisretna a∙selko man∙na nangjahachim. Indiba da·o Adam aro Hoba namgijako masiaha. Uni gimin, Isol uamangko jokatna nangaha. An·ching ia Sastroni bebeko Isolni Adam aro Hobana on∙gipa sastio nikna gita man·a. Ia sastirang an·chingna ka·dongataniko mesoka jekon Isol an·chingni skanggipa pagitchamrangna on·aha aro ian an·chingnaba ong∙a.

An·ching bang∙a changon indake chanchia je, “gisikni u∙iani” ara nama.Indake chanchianiara ong∙ja ine Adam aro Hobani pap an·chingna maikai mesoka? Maiarangko ma∙sijaon an∙chingna nambatkuenga?

SUKORBAR

APRIL 8

CHANCHIDAPANI: Boljanggiko nama aro namgijako u∙iani bol baksa tosusabo. Panggni bolrangkon ua Eden barini jatchio donachim. (Aba. 2:9). Jensalo skanggipa manderang beng∙gipa bolni biteko cha·ahaon, Isol uamangko ru·utgijan boljanggini biteko cha·na on·jaha. Ia Sastroni nama katta an·chingna nangchongmotgipa niamko skia, chong∙motan, an·chingni gisikni gita basee ra·aniara an·chingni be·en an·seng baljokani aro an·chingni bimangrang baksa apsan nangrimea. Ia basee ra·anian an·chingko bilgriatna ba bilakatnaba man·a. Uarang an·chingko janggiona ba siaonaba dilangna gita man·a. Solomon ia nangrimaniko ma∙siaha. Uni gimin ua an∙tangni depantena aganaha: “Ang de, angni skianiko gualnabe, aro nang∙ni ka·tong angni ge·etanirangko rakkichina. Maina uarang salrangni bakroako aro tangani bilsirangko, aro tom∙tomaniko nang∙na on·dapgen.” (Toe Skiani. 3:1, 2). Ua Gital Jerusalemo an·chingna ia gisikni gita aro an·seng baljokani gita basee ra·ani nangrimaniko mesoka. Ua Rongtalgipa Songjinmao, an·ching boljanggini bol mangmangkosan nikaigen (Parape·a22:2).

“Jensalo Isol Hobako ong·aton, Ua mamung dakeba uko komibate ba me·asana nambate ong·atjaha. Hobara pilakon Adamna nambatsranggipa jora-ripeng ong·achim. Isolara mamung dakeba rongtalgipa jorako uamang saksa sakgipinoniko dingtang ong·na gita miksongani dongjachim. Ua apsan somoion, Isolara uamangko chanchina change aro baseani bilko jakkale janggi tangchina ong·ataha. Indiba Hobara uano papko ka·aha. Uapapko ka·chengahani gimin Gitel una aganaha je, Adam uamangni bia ka·e donganiosason ka·gipa ong·gen. Isol Hobana aganaha je, ua segipana katta ra·an baksana bamna nanggen. Ia sastian papni asel sao on·aoniko man∙rikrikbagipa bak ong·a. Bang·a changrangon, sao on·anichi me·chikni janggi tanganiko namen rakbeaniko ong·ata. Uni janggi tanganio jrimgipa balrangko man·ronga. Me·asarangbaindakedakronga je,an∙tangko bilgnanggipa raja ong∙a ingipa gita chanchia aro me·chikko uni nokkol dake jakkalronga.”—Ellen G. White, Testimonies for the Church, volume 3, jak 484. 

CHANCHIGRIKNA SING·ANIRANG: 

  1. Isol Adamona re·baaha aro uo sing·anirangko sing·aha. Isol Adamko sing·na nangnikaniara uni gualaniko mesokna dakchakani ong·a. Isol Adamko sing·aniara uni paponiko an·pilna dakchakaniba ong·a. Isol ia apsan miksonganikon Sastroni gipin golporangoba jakkala. An·ching Kainni golpoo nika je, Isol sing·anirangko sing·a (Aba. 4:9, 10), Chi Dubiani golpoo (Aba. 6:5–8), Babelni Nokko rikanio (Aba. 11:5), Sodom aro Gomorrani golpoo (Aba. 18:21) nika. Ia pilak golporangan an·chingna mikkangchi Isolni daka kamko mesoka je,Ua bon·kamgipa salrango Ua a·gilsakko bichal ka·gen. Na·a maikai ia golporango Isolni bichal ka·ani gimin chanchia?
  1. Maikai Hobara ia nama aro namgijani bolni biteko cha·ahaon gisik seng·aniko man·gen ine chanchiaha? Maikai an·chingara ia apsan dakgualaniko an·chingni janggi tanganio gelna gita man·gen? Maikai uko an·ching ong·gija dakaoniko maikoba ka∙dongchakan baksa gelna gita man∙gen jean Isolni an·chingna Sastroo ku∙rachakanian nambatgipa ka·dongani ong·achim?